83 տարեկանում մահացել է ԱՄՆ-ում բնակվող մահմեդական հոգևորական Ֆեթուլլահ Գյուլենը, հաղորդում է Herkul կայքը, որը հրապարակում է նրա քարոզները:
Նա ժամանակին Թուրքիայի նախագահ Ռեջեփ Թայիփ Էրդողանի դաշնակիցն էր, բայց հետագայում մեղադրվեց 2016-ի հեղաշրջման փորձի կազմակերպման մեջ։
«Մեր ուսուցիչը մահացել է հոկտեմբերի 20-ին, ժամը 21:20-ին՝ հիվանդանոցում, որտեղ նա բուժում էր ստանում»,- ասվում է Herkul-ի X-ի էջում։
Չի նշվում, թե ինչ հիվանդություն ուներ Գյուլենը, սակայն հաղորդվում է, որ բժիշկներն ավելի ուշ հանդես կգան հայտարարությամբ։
Նա 1999 թվականից ապրում էր Միացյալ Նահանգներում, 2017 թվականին Գյուլենը զրկվել էր Թուրքիայի քաղաքացիությունից։
Գյուլենի եղբորորդին հաստատել է Գյուենի մահը։
