Իսրայելի վարչապետ Բենիամին Նեթանյահուի ճողվածքի հեռացման վիրահատությունը հաջող է անցել, հաղորդում է Իսրայելի վարչապետի աշխատակազմը։
«Վիրահատությունը հաջող է անցել։ Կառավարության ղեկավարը լավ է զգում իրեն և տեղափոխվել է ապաքինման սենյակ», — ասվում է գրասենյակի հաղորդագրության մեջ:
Նշվում է, որ Նեթանյահուն «լավ մարզավիճակում է և սկսում է վերականգնվել»։
Ավելի վաղ Իսրայելի կառավարության ղեկավարի գրասենյակը հայտարարել էր, որ Նեթանյահուն կիրակի օրը վիրահատվելու է՝ նշելով, որ վարչապետի պաշտոնը ժամանակավորապես կզբաղեցնի փոխվարչապետ և արդարադատության նախարար Յարիվ Լևինը։
Գրասենյակի տվյալներով՝ մարտի 30-ին հերթական հետազոտության ժամանակ Նեթանյահուի մոտ ճողվածք է հայտնաբերվել։ Վիրահատությունից առաջ Նեթանյահուն ասել է, որ մտադիր է «շատ շուտով» վերադառնալ աշխատանքի։
