ՀՀ-ն արգելափակեց Սոլովյովի հեղինակային հաղորդումների հեռարձակումը ՀՀ տարածքում

«Հայաստանի հեռուստատեսային և ռադիոհաղորդիչ ցանց»-ը արգելափակել է հանրային մուլտիպլեքսով սփռվող «ՊԼԱՆԵՏԱ» հեռուստաալիքով հեռարձակվող «Երեկոն Վլադիմիր Սոլովյովի հետ» և «Կիրակի երեկոն Վլադիմիր Սոլովյովի հետ» հեղինակային հաղորդումների հեռարձակումը Հայաստանի տարածքում:

Ըստ հաղորդագրության՝ նման որոշման հիմքը Հեռոստատեսության և ռադիոյի հանձնաժողովի «ՀՌՀ» կողմից վերջին շրջանում արձանագրված շարունակական խախտումներն են։

Դեռ այս տարվա փետրվարին պաշտոնական Երևանը բողոքի նոտա էր հղել Մոսկվային՝ զանգվածային հաղորդակցության երկկողմ համաձայնագիրը խախտելու համար՝ նշելով, որ «Հայաստանի Հանրապետությունը չի կարող տոլերանտ լինել այնպիսի բովանդակություն ունեցող հաղորդումներին, որոնք կարող են հարցականի տակ դնել մեր պետության և ժողովրդի արժանապատվությունը»։

Փետրվարի 25-ին «Երեկոն Սոլովյովի հետ» հաղորդման ընթացքում մի քանի անգամ հիշատակվել է Հայաստանի ու նրա ղեկավարության անունը, և մի շարք վիրավորական արտահայտություններ են հնչել։

Լրահոս

Օրացույց

Ապրիլի 2024
Ե Ե Չ Հ Ու Շ Կ
1234567
891011121314
15161718192021
22232425262728
2930