Իսպանիայի առաջնության 29-րդ տուրի խաղում «Ռեալ Սոսյեդադը» հաղթել է «Կադիսին» 2-0 հաշվով։
Այն կայացել է Սան Սեբաստիանի «Ռեալ Արենա» մարզադաշտում։
Հանդիպման 28-րդ րոպեին հաշիվը բացել է կիսապաշտպան Միկել Մերինոն։ Նրա գոլը միակն էր առաջին խաղակեսում։
66-րդ րոպեին փոխարինման դուրս եկավ կիսապաշտպան Արսեն Զախարյանը, իսկ 68-րդ րոպեին դարձավ գոլի հեղինակ․ Զախարյանն առաջին գոլը խփեց իսպանական թիմի կազմում։
«Ռեալ Սոսյեդադն» ունի 46 միավոր և զբաղեցնում է մրցաշարային աղյուսակի 6-րդ հորիզոնականը։ «Կադիսը» 22 միավորով 18-րդ տեղում է։
