MICHELIN ուղեցույցի Դուբայի հինգերորդ թողարկումը․ Trèsind Studio-ն և Björn Frantzén-ի FZN Dubai-ը պահպանում են MICHELIN-ի երեք աստղերը

Orfali Bros-ը ճանաչվում է որպես աշխարհում MICHELIN-ի երկու աստղի արժանացած առաջին մերձավորարևելյան ռեստորանը

● Այս տարվա թողարկումն ընդգրկում է 38 խոհանոցային ուղղություն ներկայացնող 122 ռեստորան։ 2022 թվականին ուղեցույցի առաջին թողարկումից ի վեր ընտրանու ծավալը գրեթե կրկնապատկվել է։

● Trèsind Studio-ն և Björn Frantzén-ի FZN Dubai-ը պահպանում են MICHELIN-ի երեք աստղերը։
● Orfali Bros-ը բարձրանում է երկու MICHELIN աստղի կատեգորիա՝ դառնալով աշխարհում երկու աստղի արժանացած առաջին մերձավորարևելյան ռեստորանը։
● Birch և KIGO ռեստորաններն առաջին անգամ ընդգրկվում են ընտրանիում՝ արժանանալով մեկ MICHELIN աստղի։
● Middle Child, S.E.A Bistrot, Three Bros և YUBI Dubai ռեստորաններն ընդգրկվում են Bib Gourmand ընտրանիում։
● Դուբայի՝ MICHELIN աստղերի և Bib Gourmand ճանաչման արժանացած ռեստորանները շարունակում են արտացոլել քաղաքի խոհարարական համայնքի բազմազանությունը, խորությունն ու հավակնությունները։
Դուբայ, Արաբական Միացյալ Էմիրություններ, հոկտեմբերի 21, 2026 թվական․ MICHELIN-ը ներկայացրել է MICHELIN Guide Dubai ամենամյա ուղեցույցի հինգերորդ թողարկումը։ Միջոցառումն անցկացվել է Atlantis The Royal Dubai հյուրանոցում, որը վերջերս արժանացել է MICHELIN-ի երեք բանալիի։ Արարողության ընթացքում հայտարարվեց, որ ինչպես Trèsind Studio-ն, այնպես էլ Björn Frantzén-ի FZN Dubai-ը պահպանում են MICHELIN-ի երեք աստղերը։

Դուբայի առաջատար ռեստորաններն ու խոհարարական տաղանդները ներկայացնելուն նվիրված՝ MICHELIN Guide Dubai-ի այս տարվա թողարկումն ընդգրկում է ընդհանուր առմամբ 122 ռեստորան։ Սա 77%-ով ավելի է, քան 2022 թվականին ուղեցույցի առաջին թողարկման ժամանակ, երբ ճանաչման արժանացել էր 69 հաստատություն։ Արդյունքները որոշվել են MICHELIN-ի տեսուչների կողմից, որոնք պարտավորվում են պահպանել իրենց անանունությունը։ Ընտրանիում ընդգրկված ռեստորանների թվի աճն արտացոլում է Դուբայի խոհարարական ոլորտի արագ զարգացումն ու բազմազանությունը։

MICHELIN Guide Dubai 2026-ի ընտրանին՝ համառոտ
● 2 ռեստորան՝ MICHELIN-ի երեք աստղով։
● 4 ռեստորան՝ MICHELIN-ի երկու աստղով (1 նոր առաջխաղացում)։
● 14 ռեստորան՝ MICHELIN-ի մեկ աստղով (2 նոր ռեստորան)։
● 22 ռեստորան՝ Bib Gourmand ընտրանիում (4 նոր ռեստորան)։
● 80 ռեստորան՝ MICHELIN-ի ընտրանիում (13 նոր ռեստորան)։
(Ռեստորանների ամբողջական ցանկը ներկայացված է ստորև։)

38 տեսակի խոհանոց ներկայացնող՝ MICHELIN Guide Dubai 2026-ում ընդգրկված 122 ռեստորաններն արտացոլում են Դուբայի խոհարարական միջավայրի ընդգրկունությունն ու առանձնահատկությունները։ Դրանց թվում են միջազգային ճանաչում ունեցող բարձրակարգ ռեստորանները, հավակնոտ տեղական նախագծերը, ծայրամասային ռեստորաններն ու մատչելի սննդի հաստատությունները։ Միասին դրանք առաջարկում են տարբեր ճաշակներին, առիթներին և բյուջեներին համապատասխան փորձառություններ՝ միաժամանակ ընդգծելով գաստրոնոմիայի դերը Դուբայի զբոսաշրջային և տնտեսական էկոհամակարգում։

MICHELIN ուղեցույցը խոհարարական գերազանցության կարևոր չափանիշ է՝ ցույց տալով այն սննդային մշակույթի ուժը, որը տարիների ընթացքում ձևավորվել է այդ ոլորտում ստեղծագործող, ներդրումներ կատարող և այն զարգացնող մարդկանց ջանքերով։

«MICHELIN Guide Dubai-ի հինգերորդ թողարկումը կարևոր հանգրվան է մեր քաղաքի՝ որպես համաշխարհային խոհարարական ուղղության զարգացման ճանապարհին։ Երբ 2022 թվականին ներկայացվեց առաջին թողարկումը, մեր նպատակը հստակ էր՝ Դուբայի խոհարարական ոլորտի բացառիկ խորությունը, բազմազանությունն ու որակը արժանացնել այն միջազգային ճանաչմանը, որին այն արժանի է, և միաժամանակ ընդունել միջազգային հեղինակություն վայելող չափանիշ, որը կխրախուսի ոլորտին՝ շարունակաբար բարձրացնել իր նշաձողը։

Այդ ժամանակից ի վեր Դուբայը հաստատուն կերպով իր տեղն է զբաղեցրել աշխարհի առաջատար խոհարարական քաղաքների շարքում։ Այստեղի ռեստորանային միջավայրը ներառում է բացառիկ տեղական նախագծեր և տաղանդներ, միջազգային ճանաչում ունեցող խոհարարներ ու ռեստորաններ, ինչպես նաև իսկական ազգային խոհանոցներ, որոնք ձևավորվել են շուրջ 200 ազգության ներկայացուցիչներ ունեցող քաղաքի մշակութային բազմազանության շնորհիվ։ MICHELIN ուղեցույցի կողմից տարբեր խոհանոցներ, կատեգորիաներ և գնային միջակայքեր ներկայացնող ռեստորանների ճանաչումը ցույց է տալիս այն, ինչը միշտ առանձնացրել է Դուբայը․ այստեղ գերազանցությունը չի սահմանափակվում միայն մեկ ոճով կամ փորձառությամբ։

Այս տարվա արդյունքները հատկապես ոգևորիչ են, քանի որ դրանք վկայում են ինչպես ձեռքբերումների կայունության, այնպես էլ զարգացման շարունակական ընթացքի մասին։ Դուբայի երեք MICHELIN աստղ ունեցող ռեստորանները պահպանել են իրենց ճանաչումը, իսկ երկու և մեկ MICHELIN աստղերի, ինչպես նաև Bib Gourmand ընտրանիում ընդգրկվել են նոր անուններ։ Սա ցույց է տալիս, որ ոլորտում գերազանցությունը ձևավորվում և ամրապնդվում է տարբեր մակարդակներում։ Արդեն կայացած ռեստորանները շարունակում են պահպանել բացառիկ բարձր չափանիշներ, մինչդեռ նոր և տեղական նախաձեռնությունները զարգանում են ու արժանանում ճանաչման», — նշել է Դուբայի տնտեսության և զբոսաշրջության վարչության (Visit Dubai) կազմում գործող՝ Զբոսաշրջության և առևտրի մարքեթինգի կորպորացիայի գլխավոր գործադիր տնօրեն Իսամ Քազիմը։

«Այսօր մենք ուրախ ենք նշել MICHELIN Dubai Guide-ի հինգերորդ տարեդարձը։ Այս ընթացքում ընտրության մեջ ընդգրկված ռեստորանների թիվը գրեթե կրկնապատկվել է։ Սա ցույց է տալիս, որ Դուբայի գաստրոնոմիան շարունակում է զարգանալ. ամեն տարի մեր տեսուչները հայտնաբերում են միջազգային հեղինակություն վայելող նոր հաստատություններ։

Այս տարի ուղեցույցում ներկայացված են տեղացի խոհարարների կողմից ստեղծված ռեստորաններ և նոր միջազգային նախագծեր։ Այս համադրությունը արտացոլում է Դուբայի բնույթը՝ մի քաղաքի, որը կերտում է իր սեփական գաստրոնոմիկ ինքնությունը և բաց է աշխարհի տարբեր երկրների խոհարարական ավանդույթների համար։ Զարգացող հյուրընկալության արդյունաբերությունը ընդգծում է քաղաքի հավակնությունը, ոգևորությունը և վճռականությունը՝ ամրապնդելու իր հեղինակությունը որպես համաշխարհային գաստրոնոմիկ ուղղություն, տալով համեղ ուտեստների սիրահարներին համոզիչ պատճառներ այցելելու և վերադառնալու համար», — ասաց «Միշլենի ուղեցույցի» (Michelin Guide) միջազգային տնօրեն Գվենդալ Պուլենեկը։

Դուբայում կան հազարավոր ռեստորաններ և սրճարաններ՝ սկսած համաշխարհային ճանաչում ունեցող խոհարարների հաստատություններից մինչև տեղական ձեռնարկություններ: Խոհանոցների և ոճերի բազմազանությունը քաղաքը դարձնում է աշխարհի ամենակենսունակ գաստրոնոմիկ մայրաքաղաքներից մեկը՝ առաջարկելով հաստատություններ՝ յուրաքանչյուր ճաշակի և բյուջեի համար: Գաստրոնոմիան նաև կարևոր դեր է խաղում Դուբայի զբոսաշրջության և տնտեսական զարգացման գործում:

MICHELIN Guide Dubai 2026-ի ընտրանին
MICHELIN-ի երեք աստղ

● FZN by Björn Frantzén
● Trèsind Studio
MICHELIN-ի երկու աստղ

● Orfali Bros (ստացել է երկրորդ աստղը)
● Il Ristorante-Niko Romito
● Row on 45
● STAY by Yannick Alléno
MICHELIN-ի մեկ աստղ

● Birch (նոր)
● KIGO (նոր)
● 11 Woodfire
● Al Muntaha
● avatāra
● Dinner by Heston Blumenthal
● Hakkasan Dubai
● Hōseki
● Jamavar
● Manāo
● Moonrise
● Ossiano
● Smoked Room
● Tasca by José Avillez

Bib Gourmand ռեստորաններ
● Middle Child (նոր)
● S.E.A BISTROT (նոր)
● Three Bros (նոր)
● YUBI Dubai (նոր)
● 21 Grams
● 3Fils
● Al Khayma Heritage Restaurant
● Bait Maryam
● Berenjak
● DUO Gastrobar — Creek Harbour
● DUO Gastrobar — Dubai Hills
● Goldfish
● Harummanis
● Hawkerboi
● Indya by Vineet
● Khadak
● Kinoya
● Konjiki Hototogisu
● REIF Japanese Kushiyaki — Dar Wasl
● REIF Japanese Kushiyaki — Dubai Hills
● Revelry
● Shabestan
MICHELIN ուղեցույցի կողմից առաջարկվող նոր ռեստորաններ

● Barrafina
● Carbone
● China Tang
● Kasumigaseki
● KEN by Kamatsuda
● Maison Dalí
● Nazaara
● Ramen Hisa
● Revolver
● Rialto
● Shinobi
● TakaHisa
● WINDOW
MICHELIN-ի հատուկ մրցանակներ 2026

● Տարվա երիտասարդ խոհարար՝ Ռեմի Մարկինյոն — Ossiano
● Ծառայության մրցանակ՝ Ակինորի Տանիգավա — KIGO
● Տարվա բացահայտում՝ WINDOW
Ավելին իմանալու այս և MICHELIN Dubai Guide 2026-ում ներառված այլ ռեստորանների մասին՝ կարող եք այցելել կայքէջը՝ guide.michelin.com։