Իսրայելի վարչապետ Բենյամին Նեթանյահուն կիրակի օրը հայտարարել է, որ կարգադրել է ընդլայնել ներկայիս անվտանգության գոտին Լիբանանի հարավում՝ նպատակ ունենալով նվազագույնի հասցնել սպառնալիքները Իսրայելի հյուսիսի համար: Այս մասին փոխանցում է ՌԻԱ «Նովոստին»։
«Մենք նախաձեռնությունը վերցնում ենք մեր ձեռքը և հարձակվում։ Մենք ստեղծել ենք երեք անվտանգության գոտիներ թշնամու տարածքում. Սիրիայում՝ Հերմոն լեռան գագաթից մինչև Յարմուկ։ Գազայում դա հատվածի կեսից ավելին է: Իսկ Լիբանանում ես հրահանգել եմ էլ ավելի ընդլայնել գոյություն ունեցող անվտանգության գոտին, որպեսզի վերջնականապես կանխեմ ներխուժման սպառնալիքը և թույլ չտամ հակատանկային հրթիռային արկերի մուտքը մեր սահման»,-հայտարարել է Նեթանյահուն տեսաուղերձում։
