Ֆրանսիայի նախագահ Էմանուել Մակրոնի գլխավոր դիվանագետը երեքշաբթի Մոսկվայում էր՝ ռուսաստանցի պաշտոնյաների հետ բանակցություններ վարելու համար, Reuters-ին հայտնել են հանդիպմանը ծանոթ աղբյուրը և երկու դիվանագիտական աղբյուրներ։
Առաջին աղբյուրը հայտնել է, որ Էմանուել Բոնը, որը 2019 թվականից ղեկավարում է Մակրոնի դիվանագիտական բաժինը, հանդիպել է Կրեմլի պաշտոնյաների հետ։
Երկու աղբյուրներ իրենց հերթին հայտնել են, որ դաշնակիցներին տեղեկացվել է նախաձեռնության մասին, և որ Բոնը բանակցություններ է վարել Ռուսաստանի նախագահ Վլադիմիր Պուտինի ավագ օգնական Յուրի Ուշակովի հետ։
Ավելի վաղ Մակրոնը լրագրողներին հայտարարել էր, որ ջանքեր են գործադրվում Պուտինի հետ երկխոսությունը վերսկսելու համար։
