Չինաստանը վճռականորեն կպաշտպանի իր օրինական շահերը, եթե Միացյալ Նահանգները Իրանի հետ առևտրի վրա 25% մաքսատուրք սահմանի, ինչն ավելի վաղ հաստատել է ԱՄՆ նախագահ Դոնալդ Թրամփը։ Այս մասին հայտարարել է Չինաստանի արտաքին գործերի նախարարության խոսնակ Մաո Նինգը։
«Սակագնային պատերազմում հաղթողներ չկան։ Չինաստանը վճռականորեն կպաշտպանի իր օրինական իրավունքներն ու շահերը»,- ընդգծել է նա ճեպազրույցի ժամանակ՝ մեկնաբանելով Իրանի պատճառով ամերիկյան մաքսատուրքերի կիրառման հեռանկարները։
Ինչպես հստակեցրել է չինացի դիվանագետը, Պեկինը նմանատիպ հարցերում «հստակ և անփոփոխ դիրքորոշում» է զբաղեցնում։
Ավելի վաղ Թրամփը 25-տոկոսանոց մաքսատուրքեր է սահմանել Իրանի հետ համագործակցող բոլոր երկրների նկատմամբ։ Դա տեղի է ունեցել Իսլամական Հանրապետությունում բողոքի ցույցերի ալիքից հետո, որն անկարգությունների կազմակերպման պատասխանատվությունը բարդել է ԱՄՆ-ի և Իսրայելի վրա։ Ամերիկյան առաջնորդը չի բացառել, որ ուժ կկիրառի Թեհրանի դեմ։
