Գերմանիայի կանցլեր Ֆրիդրիխ Մերցը, Իրանում տեղի ունեցող անկարգությունների կապակցությամբ, կոչ է արել Իրանի իշխանություններին կանխել ցուցարարների նկատմամբ իրականացվող բռնությունը։
«Թույլ տվեք անդրադառնալ նաև Իրանում տեղի ունեցող իրադարձություններին։ Երկու շաբաթ շարունակ մենք ականատես ենք լինում, թե ինչպես են հասարակության բոլոր շերտերի մարդիկ դուրս գալիս փողոց… Ես կոչ եմ անում իրանական կառավարությանը պաշտպանել իր քաղաքացիներին, այլ ոչ թե սպառնալ նրանց։ Մենք ամենավճռական կերպով դատապարտում ենք իրանցի ժողովրդի դեմ ուղղված բռնությունը։ Բռնությունը պետք է դադարեցվի», — հայտարարել է Մերցը Հնդկաստան կատարած այցի ընթացքում՝ Հնդկաստանի վարչապետ Նարենդրա Մոդիի հետ համատեղ մամուլի ասուլիսի ժամանակ։
