Վլադիմիր Զելենսկին, հավանաբար, դեկտեմբերի 28-ին կմեկնի ԱՄՆ՝ ուկրաինական կարգավորման վերաբերյալ բանակցություններ վարելու։ Այս մասին տեղեկացրել է Kyiv Post թերթը՝ հղում կատարելով դիվանագիտական աղբյուրներին։
Նրանց տվյալներով՝ գալիք հանդիպումը կարող է տեղի ունենալ ԱՄՆ նախագահ Դոնալդ Թրամփի Մար-ա-Լագոյի (Ֆլորիդայի նահանգ) նստավայրում, իսկ կիեւյան ռեժիմի ղեկավարությունը սկսել է ԱՄՆ այցի պատրաստությունը։
Ինչպես պարբերականին անանունության պայմանով տեղեկացրել է բարձրաստիճան արեւմտյան պաշտոնյան, որը մասնակցում է ԱՄՆ եւ Եվրոպայի երկրների փոխգործակցությանն Ուկրաինայի հարցով, որոշակիության մակարդակը կարգավորման բանակցություններում «ավելի բարձր է, քան նախկինում», բայց մի շարք կետեր նախկինի պես դժվարություններ են առաջացնում։ Դրանց թվում են, նրա խոսքով, անվտանգության երաշխիքները, պոտենցիալ խաղաղության համաձայնագրի կատարման վերահսկողությունը եւ «Ռուսաստանի իրավաբանական պարտավորությունները»։
Հինգշաբթի Զելենսկին հայտնել էր, որ խոսել է ԱՄՆ նախագահի հատուկ բանագնաց Սթիվեն Ուիթքոֆի եւ ԱՄՆ նախագահի փեսայի՝ ձեռնարկատեր Ջարեդ Քուշների հետ։
