Երբ պլանավորում եք այլ երկիր ուղևորություն, քիչ հավանական է, որ մտածեք զուգարանների մասին։ Ամենից հաճախ զբոսաշրջիկները պարզապես փնտրում են մաքուր տեղ, որ արագ մտնեն և դուրս գան։
Սակայն Lonely Planet-ի մասնագետները պնդում են, որ կան զուգարաններ, որոնք առաջարկում են իրական «տեսարան պատուհանից», եթե, իհարկե, դուք բավականաչափ համարձակ եք դրանք օգտագործելու համար։
«Աշխարհի զուգարանները» Lonely Planet-ի երկրորդ ուղեցույցն է, որը նվիրված է ամենաանսովոր և շքեղ զուգարաններին։
Այն ներառում է աշխարհի տարբեր ծայրերից 100 տարօրինակ և հրաշալի զուգարաններ, ինչպես նաև զուգարանների պատմական ժամանակագրություն՝ Ինդոսի հովտի հին կոյուղուց մինչև ֆուտուրիստական ճապոնական կառույցներ։
Ընթերցողները կտեսնեն լեռնագագաթների գեղատեսիլ տեսարաններով զուգարաններ, վայրի բնության մեջ մեկուսացված արտաքնոցներ, օվկիանոսի վրա կախված փայտե հարթակներ և շատ ավելին՝ «աշխարհի լավագույն զուգարանների» իսկական համաշխարհային շրջագայություն։
