Գործարար, ավելի քան 110 օր կալանքի տակ գտնվող Սամվել Կարապետյանն ուղերձ է հղել ԱԱԾ մեկուսարանից։ Նրա ուղերձը շարժման առաջին հաշվետու ժողովին ներկայացրել է Արամ Վարդեւանյանը։
««Մեր ձեւով» շարժումը հայտնվել է հասարակական կյանքի ուշադրության կենտրոնում, զգալի փոփոխություններ է բերել երկրի քաղաքական կյանքում։ Սա ձեր ձեռքբերումն է եւ բոլորիս ձեռքբերումն է եւ պետք է դառնա հայ ժողովրդի ձեռքբերումը։ Պատիվ եմ համարում, որ հազարավոր արժանի մարդիկ միացել են մեր շարժմանը, գիտեմ, որ իսկական համաժողովրդական շարժում դառնալու ներուժ ունի։ Չենք նահանջելու, կանգ չենք առնելու եւ Հայաստանը դարձնելու ենք ամենաբարեկեցեին ու ամենաերջանիկ երկիրը։ Անելու ենք մեր ձեւով»,– ասվում է Կարապետյանի ուղերձում։
