Կամչատկայում 7,7 մագնիտուդ ուժգնությամբ երկրաշարժ է տեղի ունեցել: Հնչում են բարձրախոսներ, բնակիչներին զգուշացրել են ցունամիի վտանգի մասին, փոխանցում է Mash-ը։
Էպիկենտրոնը գտնվել է Խաղաղ օվկիանոսում՝ Պետրոպավլովսկ-Կամչատկայից դեպի 123 կմ արևելք։ Սեյսմոլոգները իշխանություններին մեկ տարի առաջ զգուշացրել էին ցունամիի և հրաբխային ակտիվության վտանգի մասին։
Մոտ 500-600 կմ երկարությամբ հատվածում հիմնական լարվածությունը վերացված է, սակայն հետցնցումները կարող են շարունակվել ևս կես տարի։ Թերակղզու հյուսիսում և հարավում պահպանվում է նոր երկրաշարժերի վտանգը։
Հիշենք, որ հուլիսի 30-ին Կամչատկայում տեղի են ունեցել 8.8 մագնիտուդով ցնցումներ, որոնք ամենաուժեղն են եղել 1952 թվականից ի վեր։
Telegram ալիքի տվյալներով՝ լուրջ վնասներ չկան, առաջին ցնցումները լսվել են առավոտյան ժամը 6-ի սահմաններում։ Մասնագետները ստուգում են շենքերը։ Այս մասին հայտնել է շրջանի նահանգապետը։
