Կամբոջան հերքում է սահմանային գոտում հրադադարի խախտման վերաբերյալ թաիլանդական բանակի մեղադրանքները։ Այս մասին հաղորդում է «Khmer Times» թերթը՝ հղում անելով Կամբոջայի ազգային պաշտպանության նախարարության մամուլի քարտուղար գեներալ-լեյտենանտ Մալի Սոչեատին։
Նրա խոսքով՝ Կամբոջայի ԶՈւ-ն խստորեն պահպանում է Պնոմպենի հրամանները և կեսգիշերին ուժի մեջ մտած հրադադարի համաձայնագիրը։ Մամուլի քարտուղարը նշել է, որ կամբոջական կողմը հստակ պարտավորություններ է ստանձնել և կատարել է Մալայզիայի մայրաքաղաքում ձեռք բերված պայմանավորվածությունները։
Ավելի վաղ թաիլանդական բանակը մեղադրել է Կամբոջային հրադադարի ռեժիմը խախտելու մեջ։
