Թել Ավիվում ԱՄՆ դեսպանատան մասնաճյուղի շենքը աննշան վնաս է կրել քաղաքի վրա Իրանի վերջին հարվածի ժամանակ: Իսրայելում ԱՄՆ դեսպան Մայք Հաքաբին այս մասին գրել է X-ում:
«Իրանական հրթիռային հարվածներից Թել Ավիվում դեսպանատան մասնաճյուղի մոտ որոշ աննշան վնասներ են կրել», — գրել է Հաքաբին:
Նա ընդգծել է, որ դիվանագիտական առաքելության ոչ մի աշխատակից չի տուժել հարվածի ժամանակ: Հաքաբին նաև ասել է, որ Իսրայելում ԱՄՆ դեսպանատունը և հյուպատոսական գրասենյակները կփակվեն հունիսի 16-ին:
Գիշերը Պետդեպարտամենտը հայտարարություն է տարածել, որում նշվում է, որ Երուսաղեմում ԱՄՆ դեսպանատունը և Երուսաղեմում և Թել Ավիվում հյուպատոսական բաժինները կփակվեն հունիսի 16-ին՝ համաձայն ստեղծված իրավիճակի և անվտանգության հնարավոր սպառնալիքների: Իսրայելում գտնվող ԱՄՆ կառավարության բոլոր աշխատակիցները և նրանց ընտանիքի անդամները պարտավոր են մնալ տանը մինչև հետագա ծանուցում՝ համաձայն Իսրայելի պաշտպանության ուժերի (IDF) ուղեցույցների:
