ԵՄ-ն ևս շուրջ 2,7 միլիարդ եվրո կհատկացնի Ուկրաինային՝ բարեփոխումների առաջընթացի կապակցությամբ, հաղորդում է DW-ն։
«Ուկրաինայի համար կա 173 բարեփոխումներ նախատեսող ծրագիր, որոնք նրանք պետք է իրականացնեն։ Եվ եթե դրանք իրականացվեն, մենք կարող ենք նրանց միջոցներ տրամադրել»,- ըստ Reuters-ի՝ հայտարարել է ընդլայնման հարցերով եվրահանձնակատար Մարթա Կոսը։
Ըստ նրա՝ Հունգարիայում անցկացված խորհրդարանական ընտրություններից հետո «100 տոկոսով երաշխավորված» է, որ ԵՄ-ն Կիևին 90 միլիարդ եվրո վարկ կտրամադրի։
Ուկրաինայի ֆինանսների նախարար Սերգեյ Մարչենկոն հայտարարել է, որ ԵՄ վարկը 2026 թվականին կծածկի Ուկրաինայի 52 միլիարդ դոլարի ֆինանսավորման դեֆիցիտը։
