Իսրայելի բանակը հայտարարել է, որ ռազմաօդային ուժերը ճշգրիտ հարվածներ են հասցրել Թեհրանում տեղակայված «Ղուդս» ուժերի՝ Իսլամական հեղափոխության պահապանների կորպուսի (ԻՀՊԿ) էլիտար ստորաբաժանման և Իրանի բանակի հրամանատարական կենտրոններին: Այս մասին հաղորդվել է Իսրայելի բանակի Telegram ալիքում:
Իսրայելի պաշտպանության բանակի տվյալներով՝ գործողությունները իրականացվել են հետախուզական տվյալների հիման վրա: Զինվորականների խոսքով՝ այդ կենտրոնները պլանավորում էին հարձակումներ Իսրայելի դեմ՝ Մերձավոր Արևելքում գտնվող Իրանի կողմից վերահսկվող խմբավորումների օգնությամբ:
