«Իսրայելի օդուժն այսօր հարվածներ է հասցրել Սիրիայի տարածքին», — այս մասին Երուսաղեմում հայտարարել է Իսրայելի վարչապետ Բենյամին Նեթանյահուն՝ նշելով, որ գործողության նպատակը Դամասկոսի մերձակայքում բնակվող փոքրամասնություններից մեկի՝ դրուզների դեմ հարձակումը կանխելն էր։
«Իսրայելի պաշտպանության բանակը նախազգուշական հարձակում է իրականացրել և հարվածել է Սիրիայում գործող ծայրահեղական կազմակերպություններից մեկի դիրքերին։ Այդ խմբավորման զինյալները պատրաստվում էին հարձակվել Դամասկոսի մերձակայքում բնակվող Սահնայա քաղաքի դրուզ բնակիչների վրա», — հայտարարել է Իսրայելի վարչապետը։
Նեթանյահուն նշել է. — «Մենք այս քայլով սիրիական վարչակազմին հստակ ուղերձ ենք հղել՝ Իսրայելն ակնկալում է, որ դրուզների դեմ հարձակումները պետք է կանխվեն»։
