Անգլիայի չեմպիոն «Մանչեսթեր Սիթիի» եւ Եվրոպայի չեմպիոն Իսպանիայի հավաքականի կիսապաշտպան, 2024թ․ «Ոսկե գնդակի» դափնեկիր Ռոդրին Իսպանիայի չեմպիոն Մադրիդի «Ռեալ» տեղափոխվելու մտադրություն չունի, հաղորդում է Bild-ը։
Արքայական ակումբը հետաքրքրված է 28-ամյա ֆուտբոլիստի ծառայություններով եւ մտադիր է ամռանն առաջարկ անել նրա։
Անցած տարվա սեպտեմբերին ստացած ծնկահոդի ծանր վնասվածքից հետո Ռոդրին դեռ չի վերադարձել խաղադաշտ։
Ռոդրիի պայմանագիրը «Մանչեսթեր Սիթիի» հետ նախատեսված է մինչեւ 2027թ․ հունիս։ Transfermarkt-ը նրա տրանսֆերային արժեքը գնահատում է 130 միլիոն եվրո։
