Լեռնային Ղարաբաղի դրոշ բարձրացնելը նախերգանքն է. Լեռնային Ղարաբաղի դրոշով խաբում, խաբում, խաբում են, որ հետո Ռուսաստանի դրոշը բարձրացնեն Հայաստանի Հանրապետության դրոշի փոխարեն: Այս մասին այսօր՝ ապրիլի 21-ին, ԱԺ-ում լրագրողների հետ զրույցում նշեց ԱԺ ՔՊ խմբակցության պատգամավոր Վահագն Ալեքսանյանը:
«Գյումրիի ընտրությունները ձեզ վառ օրինակ, որ ընտրության հենց հաջորդ օրը ընդիմության փառապանծ թեկնածուն հայտարարեց, որ այո, Հայաստանը Բելառուսի օրինակով պետք է մտնի միութենական պետության կազմ»,-ասաց նա:
Հարցին՝ համաձայն է ընդդիմության պնդման հետ, որ խաղաղության պայմանագրով իշխանությունը փակում է Արցախի էջը, Ալեքսանյանը պատասխանեց. «Ընդդիմության ֆանտաստիկան է դա իրականում. իրենք Լեռնային Ղարաբաղում իշխանությունը զավթեն, իրենք Լեռնային Ղարաբաղի լուծարման մասին հրամանագիրը ստորագրեն, իշխանություններն ասեն՝ այ դուք փակում եք էջը: Էդ դուք չեք փակե՞լ արդեն այդ էջը լուծարման մասին հրամանագրով»:
