Գազայի ուղղությամբ իսրայելական հարվածներից վերջին 48 ժամում ավելի քան 90 մարդ է զոհվել, հայտնել է Գազայի առողջապահության նախարարությունը:
Իսրայելը խոստացել էր սաստկացնել հարվածները Գազայի վրա ու ավելի մեծ «անվտանգության գոտիներ» նվաճել, որպեսզի ստիպի Արևմուտքի կողմից ահաբեչական ճանաչված ՀԱՄԱՍ-ին ազատ արձակել իսրայելցի պատանդներին և զինաթափվել: Վեց շաբաթ է Իսրայելը արգելում է սննդի ու այլ պարենի մուտքը Գազայի հատված:
Մարդասիրական խմբերն ահազանգում են, որ հազարավոր երեխաներ սովամահության եզրին են: ՄԱԿ-ի տվյալներով՝ Գազայի բնակիների մեծամասնությունը օրական մեկ անգամից ավելի սնվելու հնարավորություն չունի:
Նախօրեին Առողջապահության համաշխարհային կազմակերպության ներկայացուցիչը կոչ է արել Իսրայելում ԱՄն դեսպանին առաջ մղել իսրայելական բլոկադան ավարտելու հարցը, որպեսզի մարդասիրական օգնություն առաքվի Գազայի հատված:
