Հայաստանի ծանրամարտի տղամարդկանց և կանանց հավաքականները սկսում են պայքարը Մոլդովայում մեկնարկած ծանրամարտի Եվրոպայի առաջնությունում:
Մրցումային երկրորդ օրը Հայաստանն ունի երեք մասնակից, հայտնում է Հայաստանի ծանրամարտի ֆեդերացիան:
Ապրիլի 14-ին` Երևանի ժամանակով 17:00-ին, մրցահարթակ դուրս կգան A ենթախմբում հանդես եկող 55 կգ քաշային կանայք: Հայաստանի հավաքականից պայքարի մեջ կմտնեն Եվրոպայի գործող չեմպիոն Ալեքսանդրա Գրիգորյանը և Իզաբելլա Յայլյանը:
Ժամը 20:00-ին` տղամարդկանց 61 կգ քաշում Հայաստանը կներկայացնի Գառնիկ Չոլակյանը:
Մեր մարզիկների ելույթները կցուցադրվեն Առաջին ալիքով:
