Շաբաթ օրը Ստամբուլում ցուցարարները պետք է միանան զանգվածային հանրահավաքին Թուրքիայի գլխավոր ընդդիմադիր Ժողովրդահանրապետականկուսակցության կոչով՝ քաղաքապետ Էքրեմ Իմամօղլուի բանտարկության հետ կապված, որի ձերբակալությունը 10 օր շարունակվող փողոցային ցույցերի պատճառ է դարձել, տեղեկացրել է AFP-ն:
Հանրահավաքը, որը կսկսվի Ստամբուլի ասիական կողմում գտնվող Մալթեփեում Գրինվիչի ժամանակով ժամը 09.00-ին, առաջին նման միջոցառումն է, որը կազմակերպվում է ԺՀԿ-ի կողմից երեքշաբթի օրվանից ի վեր եւ տեղի է ունենում Ռամադանի ավարտը նշող Իդ ալ-Ֆիթր տոնակատարությունից առաջ, որը սկսվում է կիրակի:
«Իմամօղլուի առաջադրումը նախագահի պաշտոնում այն ճանապարհի սկիզբն է, որը կապահովի երկրի արդարությունն ու ինքնիշխանությունը: Եկեք գնանք Մալթեփե… եւ միասին սկսենք մեր երթը դեպի իշխանություն»,- X-ի եթերում ասել է ԺՀԿ առաջնորդ Օզգյուր Օզելը։
Իմամօղլուն, որը հայտնի է որպես միակ թուրք քաղաքական գործիչ, որը կարող է մարտահրավեր նետել նախագահ Ռեջեփ Թայիփ Էրդողանին ընտրություններում, ընտրվել է ԺՀԿ թեկնածու 2028թ. նախագահական ընտրություններում այն օրը, երբ նրան բանտ են նստեցրել։
