Դոնալդ Թրամփի և Իլոն Մասկի համատեղ հայտարարության ժամանակ Սպիտակ տան Օվալաձև աշխատասենյակում արտասովոր տեսարան է ծավալվել։ Մինչ քաղաքական գործիչները քննարկում էին պետական ապարատի բարեփոխումը, հասարակության ողջ ուշադրությունը գրավեց Մասկի չորսամյա որդին՝ X Æ A-Xii-ն:
Տղային ակնհայտորեն ձանձրացրել էին ժողովրդավարության և բյուջեի ծախսերի մասին խոսակցությունները, ուստի նա որոշեց զբաղվել յուրովի. դեմքեր արեց, դիպավ հոր դեմքին, ընդհատեց նրան և նույնիսկ ինչ-որ բան շշնջաց Թրամփի ականջին, ինչին նա պատասխանեց ժպտալով։ Ինչ-որ պահի փոքրիկ Մասկը լիովին հիացավ քիթը զննելով. այս պահն արդեն մեմ է դարձել սոցիալական ցանցերում։
Իլոն Մասկը որդու հետ մեկ անգամ չէ, որ ներկայացել է պաշտոնական միջոցառումներին, և դա պատահական չէ։ Միլիարդատերը համոզված է, որ աշխարհը կանգնած է ծնելիության ճգնաժամի առաջ և պարբերաբար կոչ է անում մարդկանց ավելի շատ երեխաներ ունենալ։ Ինքը երեք տարբեր կանանցից 12 երեխաների հայր է։
