Վրաստանի վարչապետ Իրակլի Կոբախիձեն շնորհավորել է Դոնալդ Թրամփին ԱՄՆ նախագահի պաշտոնը ստանձնելու կապակցությամբ։
Կոբախիձեն կարծիք է հայտնել, որ Թրամփի օրոք ԱՄՆ-ի նոր վարչակազմը կնպաստի համաշխարհային խաղաղությանը և կամրապնդի վրաց-ամերիկյան հարաբերությունները։
«Սրտանց շնորհավորում եմ նախագահ Դոնալդ Թրամփին՝ Միացյալ Նահանգների նախագահի պաշտոնում նրա երկրորդ ժամկետի կապակցությամբ։ Նրա ղեկավարությունը պետք է նպաստի գլոբալ խաղաղությանը և ամրապնդի Վրաստանի և ԱՄՆ-ի հարաբերությունները։ Մաղթում եմ ձեզ հաջողություն այս վճռական ճանապարհին», — X-ի իր էջում գրել է Կոբախիձեն։
Նախօրեին տեղի ունեցավ ԱՄՆ ընտրյալ նախագահ Դոնալդ Թրամփի երդմնակալության արարողությունը։
ԱՄՆ 45-րդ նախագահը երկրորդ անգամ է ստանձնում երկրի ղեկավարի պաշտոնը՝ դառնալով Միացյալ Նահանգների նաև 47-րդ նախագահը։
