Ռուսաստանի պաշտպանության նախարարությունը հաստատել է՝ հոկտեմբերի 18-ին ուկրաինական կողմը հարվածել է Ռոստովի մարզում գտնվող “Комбинат Каменский” ձեռնարկությանը։
Այն Ռուսաստանի խոշորագույն քիմիական ձեռնարկություններից մեկն է, որը վառելիք է արտադրում «Իսկանդերի», «Սմերչի» և «Ուրագանի» համար: Ընկերությունը զբաղվում է նաև պայթուցիկ նյութերի, զինամթերքի բաղադրիչների արտադրությամբ, ինչպես նաև օգտագործված հրթիռային համակարգերի վերամշակմամբ և վնասազերծմամբ։
Ըստ ռազմական գերատեսչության՝ Ուկրաինայի զինված ուժերը կիրառել են 6 ATACMS և չորս Storm Shadow թևավոր հրթիռներ, որոնցից ինը խոցվել են։ Մեկ Storm Shadow-ն վնասել է գործարանի տարածքում գտնվող տեխնիկական կառույցը։
Մոսկվան ընդգծել է, որ ուկրաինական կողմի գործողությունները «անպատասխան չեն մնա»։
Դեկտեմբերի 18-ին նահանգապետի պաշտոնակատար Յուրի Սլյուսարն էր հայտնել հրթիռային հարձակման մասին՝ նշելով, որ 10 հրթիռ է խոցվել։
Նա նաև ասել էր, որ հրթիռների բեկորներից մի քանի բնակելի շենքեր են վնասվել։
