Մեծ է հավանականությունը, որ Սիրիայի նախագահ Բաշար ալ-Ասադը կարող է զոհված լինել ավիավթարի հետևանքով:
Այս մասին Reuters-ին հայտնել են սիրիական աղբյուրները։
Ըստ այդ աղբյուրների, դա կարող էր տեղի ունենալ այն պահին, երբ նրա ինքնաթիռը օդ է բարձրացել Դամասկոսի օդանավակայանից։ Ավելի վաղ նշվում էր, որ ինքնաթիռը հանկարծակի անհետացել է ռադարներից։ Ենթադրվում է, որ այն խոցվել է։
Սիրիայի վարչապետը հայտարարել էր, որ ինքը ոչինչ չգիտի Ասադի գտնվելու վայրի մասին։ Վերջին անգամ նրանք շփվել են դեկտեմբերի 7-ին:
Ավելի վաղ ապստամբները հայտարարել էին երկրի մայրաքաղաք Դամասկոսի գրավման և Ասադի կառավարության տապալման մասին։
Ենթադրվում է, որ երկրի նախագահ Բաշար ալ-Ասադը լքել է քաղաքը։ Reuters-ը՝ վկայակոչելով սիրիական բանակի երկու սպաների, հայտնել է, որ նախագահի ինքնաթիռը գնացել է անհայտ ուղղությամբ:
