Սիրիական իշխանությունները փակել են Հալեպի օդանավակայանը և չեղարկել բոլոր թռիչքները, շաբաթ առավոտյան Reuters-ին հայտնել է ռազմական աղբյուրը։
Լայնածավալ հարձակում սկսած սիրիացի հակակառավարական ապստամբները հայտարարել են, որ հասել են հյուսիսային Հալեպ քաղաքի կենտրոն:
Թուրքիայի աջակցությունը վայելող, տարբեր հաշվարկներով հազարավոր զինյալներ՝ «Հայաթ Թահրիր աշ-Շամ» խմբավորման առաջնորդությամբ, ընդամենը մի քանի օրվա ընթացքում ավելի քան հինգ տասնյակ բնակավայր են գրավել՝ ընդհանուր առմամբ մոտ 400 քառակուսի կիլոմետր տարածք Հալեպ և Իդլիբ նահանգներում։
