Ռուսաստանի նախագահ Վլադիմիր Պուտինը հաստատեց միջուկային դոկտրինում փոփոխությունները։
Փոփոխությունների համաձայն՝ Ռուսաստանի նախագահն է կայացնում միջուկային զենք կիրառելու որոշումը, միջուկային զենքին չտիրապետող պետության հարձակումը, որն իրականացվում է միջուկային որևէ պետության աջակցությամբ Մոսկվան դիտարկելու է որպես «համատեղ ագրեսիա»։ Նորացված փաստաթղթով՝ միջուկային սպառազինություն կարող է կիրառվել նաև Բելառուսի դեմ հարձակման ժամանակ, ինչպես նաև ի պատասխան Ռուսաստանի դեմ զանգվածային ոչնչացման զենքի կիրառման։
Նշվում է, որ դոկտրինը «պաշտպանական բնույթ» է կրում։
Սեպտեմբերի վերջին Անվտանգության խորհրդի նիոստում Ռուսաստանի նախագահ Վլադիմիր Պուտինը հայտարարեց, որ Ռուսաստանը փոխում է միջուկային դոկտրինը և որ Կրեմլն այսուհետ իրավասու է միջուկային զենք օգտագործել նույնիսկ Ռուսաստանի դեմ սովորական, ոչ միջուկային զենքով ագրեսիայի ժամանակ:
Պուտինը որպես սպառնալիք նշել էր հավաստի տեղեկատվությունը օդատիեզերական հարձակման միջոցների զանգվածային արձակման և պետական սահմանը հատելու մասին։ Խոսքը Ռուսաստանի նախագահի պարզաբանմամբ, ռազմավարական կամ մարտավարական ինքնաթիռների, թևավոր հրթիռների, անօդաչու սարքերի, հիպերձայնային հրթիռների և այլ ինքնաթիռների մասին է:
Մոսկվան այս մասին վերջին անգամ խոսեց այն ժամանակ, երբ Ուկրաինայի նախագահ Վլադիմիր Զելենսկին այցելում էր Միացյալ Նահանգներ՝ քննարկելու արևմտյան հեռահար զենքով Ռուսաստային հարվածելու հնարավորությունները։
