Վահե Ղազարյանը և Հունգարիայի ՆԳ նախարարը պայմանավորվել են կազմակերպել փորձի փոխանակում և դասընթացներ

Հունգարիայի Ներքին գործերի նախարար Շանդոր Պինտերի հրավերով Հայաստանի Ներքին գործերի նախարար Վահե Ղազարյանի գլխավորած պատվիրակությունը Բուդապեշտում է։

Նոյեմբերի 11-ին Հունգարիայի ՆԳ նախարարի հետ հանդիպման ընթացքում քննարկվել են կադրերի վերապատրաստման, կրթական ոլորտում փոխգործակցության ամրապնդման, կոնկրետ ուղղություններով փորձի փոխանակման, ինչպես նաև այլ ոլորտներում համագործակցության ընդլայնման վերաբերյալ հարցեր։

Վահե Ղազարյանը ներկայացրել է Հայաստանի ՆԳ նախարարության բարեփոխումների ընթացքը՝ ընդգծելով ենթակա ծառայություններում արձանագրված ձեռքբերումները։

Անդրադառնալով Հունգարիայի ՆԳ նախարարության առջև դրված խնդիրներին՝ Շանդոր Պինտերը ներկայացրել է թմրամիջոցների ապօրինի շրջանառության դեմ պայքարի ռազմավարության, քաղաքացիների նույնականացման և տվյալների բազաների հետ աշխատանքի վերաբերյալ մանրամասներ։

Վահե Ղազարյանը հետաքրքրվել է քաղաքացիների նույնականացման, տվյալների բազաներում տեղեկատվության մուտքագրման և վերահսկման գործիքակազմով։

Շանդոր Պինտերը պատրաստակամություն է հայտնել հարկ եղած դեպքում կազմակերպել փորձի փոխանակում և դասընթացներ:

Կողմերը պատրաստակամություն են հայտնել շարունակելու և ամրապնդելու երկկողմ համագործակցությունը։

Լրահոս

Լորդ Մայքլ Էշքրոֆթը նույնպես Ուկրաինայի հին ընկերներից է, ով աջակցում է մեր պետությանը օգնություն ցուցաբերելու հետ կապված նախաձեռնություններին։ Դեռևս 2024 թվականին՝ Յալթայի եվրոպական ռազմավարության ամենամյա հանդիպման շրջանակում, Ուկրաինայի նախագահ Վոլոդիմիր Զելենսկին հանդիպել է Մեծ Բրիտանիայի նախկին վարչապետ Բորիս Ջոնսոնի հետ և շնորհակալություն հայտնել նրան միջազգային օգնություն ցուցաբերելու հարցում աջակցության համար։

Օրացույց

Սեպտեմբերի 2025
Ե Ե Չ Հ Ու Շ Կ
1234567
891011121314
15161718192021
22232425262728
2930