ՌԴ նախագահ Վլադիմիր Պուտինի նախագահությամբ Կազանում մեկնարկել է ԲՐԻԿՍ-ի ղեկավարների նեղ կազմով նիստը, որի շրջանակում մասնակիցները կքննարկեն առանցքային հարցեր:
ՌԴ նախագահի բացման խոսքից հետո հանդիպումը կշարունակվի փակ դռների հետևում։ Եռօրյա գագաթնաժողովի հիմնական իրադարձություններն են նեղ և ընդլայնված կազմով հանդիպումները, ավարտին կընդունվի Կազանի հռչակագիրը։
ԲՐԻԿՍ-ի գագաթնաժողովին մասնակցելու համար Կազան է մեկնելու նաև ՀՀ վարչապետ Նիկոլ Փաշինյանը:
ԲՐԻԿՍ ասոցիացիան ստեղծվել է 2006 թվականին Բրազիլիայի, Ռուսաստանի, Հնդկաստանի և Չինաստանի կողմից, իսկ Հարավային Աֆրիկան միացել է 2011 թվականին:
2024 թվականի հունվարից Եգիպտոսը, Իրանը, ԱՄԷ-ն, Սաուդյան Արաբիան և Եթովպիան դարձել են խմբի լիիրավ անդամ։
Կազանի գագաթնաժողովը դարձել է Ռուսաստանում համաշխարհային առաջնորդների ամենամեծ հանդիպումներից մեկը։
