ԱՄՆ նախագահ Ջո Բայդենը նպաստել է Ռուսաստանի և Չինաստանի հարաբերությունների սերտացմանը: Այս մասին Bloomberg-ին տված հարցազրույցում հայտարարել է Դոնալդ Թրամփը:
«Գիտեք, երեքուկես տարի առաջ մենք թույլ տվեցինք ամենավատ բանը, որ տեղի ունեցավ, քանի որ Բայդենը հիմար մարդ է։ Նա ստիպեց Ռուսաստանին և Չինաստանին «ամուսնանալ»։ Նրանք «ամուսնացան»: Հետո նրանք իրենց մոտ ընդունեցին փոքրիկ զարմիկին՝ Իրանին, իսկ հետո նրանք իրենց մոտ վերցրին Հյուսիսային Կորեան։ Նրանց այլևս ոչ ոք պետք չէ», — ասել է քաղաքական գործիչը։
Թրամփը նաև ընդգծել է, որ Բայդենի ոչ կոմպետենտության պատճառով ԱՄՆ ընտրություններից առաջ առաջիկա հինգ ամիսներին աշխարհը կլինի լայնածավալ միջուկային աղետի շեմին:
Դեմոկրատների շրջանում ավելի ու ավելի հաճախ են հնչում Բայդենի փոխարեն այլ թեկնածու առաջադրելու կոչեր՝ Թրամփի հետ բանավեճում նրա ձախողումից հետո: Տեսականորեն կուսակցությունը նման հնարավորություն կունենա օգոստոսին կայանալիք համագումարում, սակայն գործնականում դժվար կլինի մրցավազքից դուրս բերել նախնական ընտրություններում հաղթած նախագահին, եթե նա ինքը չհրաժարվի մասնակցությունից: Միևնույն ժամանակ, քաղաքական գործիչն ասում է, որ մտադիր է մնալ մրցավազքում և գնալ մինչև վերջ:
Բայդենի և Թրամփի երկրորդ բանավեճը նախատեսված է սեպտեմբերի 10-ին: ԱՄՆ նախագահի ընտրությունները տեղի կունենան նոյեմբերի 5-ին:
