ԵՄ-ն դեռ պատրաստ չէ, որ Վրաստանը միանա կառույցին, սակայն, եթե նման պահ գա, Վրաստանի իշխանությունները կկարողանան վերանայել օտարերկրյա գործակալների մասին օրենքը։
Այս մասին հայտարարել է իշխող «Վրացական երազանք-Ժողովրդավարական Վրաստան» կուսակցության նախագահ, Վրաստանի նախկին վարչապետ Իրակլի Ղարիբաշվիլին։
«Եթե մեզ ասեն, որ վաղը կդառնանք Եվրամիության անդամ, ապա շատ հեշտ կլինի չեղյալ համարել օրենքը, վերանայել այն, վերափոխել կամ ընդունել նորը»,- լրագրողներին ասել է Ղարիբաշվիլին։
Ապրիլի 17-ին Վրաստանի խորհրդարանը լիագումար նիստում առաջին ընթերցմամբ հաստատել է օտարերկրյա գործակալների մասին օրինագիծը։
Դրա դեմ արտահայտվեցին Վրաստանի նախագահ Սալոմե Զուրաբիշվիլին, ընդդիմությունն ու արևմտյան դիվանագետները։
