ԵՄ գագաթնաժողովի մասնակիցները Եվրահանձնաժողովին հանձնարարել են ուսումնասիրել Ուկրաինայի բյուջետային կարիքները 2027 թվականին հոգալու տարբերակները և արդյունքների մասին զեկուցել տարեվերջին կայանալիք հաջորդ գագաթնաժողովին։
Այս մասին լրագրողների հետ զրույցում հայտարարել է Եվրոպական խորհրդի նախագահ Անտոնիու Կոշտան։
«Առաջնորդները վերահաստատեցին իրենց աջակցությունը Ուկրաինային և հանձնարարեցին Եվրոպական հանձնաժողովին ուսումնասիրել Ուկրաինայի բյուջետային կարիքները 2027 թվականին հոգալու տարբերակները», — ասել է նա՝ նշելով, որ այս հարցը կքննարկվի ԵՄ հաջորդ գագաթնաժողովում։
