«Հուլիսի 8-ին Հայաստանը կշարունակի գտնվել ցիկլոնի ազդեցության գոտում, հուլիսի 9-10-ը կլինի տաք օդային հոսանքների ազդեցության ներքո, օդի ջերմաստիճանը կբարձրանա 6-8 աստիճանով»:
Այս մասին սոցցանցի իր էջում հրապարակած տեսանյութում ասել է ՇՄՆ հիդրոօդերևութաբանության և մոնիթորինգի կենտրոնի տնօրենի տեղակալ Գագիկ Սուրենյանը՝ հավելելով, որ հուլիսի 9-ից անցնում ենք բուն ամառային ռեժիմի:
«Հանրապետության ամենատաք գոտին կլինեն Արարատյան դաշտն ու Երևանը, վաղվանից ՀՀ մեծ մասում կդադարեն տեղումները»,- նշել է Սուրենյանը:
