ԱՄՆ նախագահ Դոնալդ Թրամփը և Ուկրաինայի նախագահ Վլադիմիր Զելենսկին կարող են հանդիպել հաջորդ շաբաթ Ֆրանսիայում կայանալիք G7 գագաթնաժողովի շրջանակներում։ Այս մասին գրում է Reuters-ը։
Երեքշաբթի օրը տեղի կունենա G7 առաջնորդների աշխատանքային հանդիպում, որին կմասնակցեն ԱՄՆ նախագահը և Ուկրաինայի նախագահը։ Սակայն նշվում է, որ Թրամփի և Զելենսկու միջև երկկողմանի շփումներ նախատեսված չեն։
Մակրոնը մի քանի օր առաջ հայտարարել էր, որ Զելենսկուն հրավիրել է G7 գագաթնաժողովին։ Bloomberg-ը նախկինում հայտնել էր, որ եվրոպացի առաջնորդները փորձում են համոզել Թրամփին աջակցել Ռուսաստանի և Ուկրաինայի միջև նոր խաղաղության բանակցություններին G7 գագաթնաժողովի ժամանակ։
