Լեհաստանի Կատովիցե քաղաքում անցկացվող շախմատի Եվրոպայի անհատական առաջնությունում հաջող են մեկնարկել Հայաստանի ներկայացուցիչները։
2 խաղափուլից հետո գրոսմայստերներ Շանթ Սարգսյանը, Ռոբերտ Հովհաննիսյանը, Էմին Օհանյանը և միջազգային վարպետ Արթուր Դավթյանը ունեն 2-ական միավոր, հաղորդում է ՀՇՖ-ի մամուլի ծառայությունը:
Գրոսմայստերներ Մանուել Պետրոսյանը, Մամիկոն Ղարիբյանը, Հայկ Մարտիրոսյանը և Գաբրիել Սարգսյանը ունեն 1.5-ական միավոր։
Նույն արդյունքն ունեն նաև միջազգային վարպետներ Վահե Սուքիասյանը և Արսեն Դավթյանը, ինչպես նաև ՖԻԴԵ-ի վարպետներ Հայկ Երիցյանը և Տիգրան Համբարձումյանը։
3-րդ խաղափուլը կմեկնարկի ապրիլի 9-ին՝ Երեւանի ժամանակով 17:00-ին:
