Ford Motor ընկերությունն ԱՄՆ-ում հետ է կանչում 412,77 հազար Explorer մոդելի ամենագնաց՝ հետևի կախոցի հետ կապված խնդրի պատճառով։ Այս մասին նշված է Ճանապարհային երթևեկության անվտանգության ազգային վարչության (NHTSA) հաղորդագրության մեջ։
Հետևի կախոցի լծակները կարող են կոտրվել, ինչը կհանգեցնի մեքենայի կառավարման կորստին։
Բացի այդ, Ford-ը հետ կկանչի ևս 40,655 ավտոմեքենա՝ մարտկոցների անսարքության և արգելակման ոտնակների դեֆեկտների պատճառով։
Շուկայական արձագանքը. Ford-ի բաժնետոմսերի գնանշումները երեքշաբթի օրվա նախնական սակարկություններում աճում են 0,3%-ով։ Ընթացիկ տարվա սկզբից ընկերության կապիտալիզացիան աճել է 4%-ով (հասնելով 54,4 միլիարդ դոլարի), մինչդեռ S&P 500 ֆոնդային ինդեքսը գրեթե չի փոփոխվել։
