ԱՄՆ վարչակազմը հերքել է ռասիզմի մեղադրանքները՝ նախագահ Դոնալդ Թրամփի՝ Բարաք և Միշել Օբամաներին կապիկների տեսքով պատկերող տեսանյութի հրապարակումից հետո։ Սպիտակ տան մամուլի քարտուղար Քերոլայն Լևիթը հայտարարել է, որ տեսանյութը հանրաճանաչ համացանցային մեմի մի հատված է։
Ըստ Լևիթի՝ տեսանյութում Թրամփը պատկերված է որպես «ջունգլիների թագավոր», իսկ Դեմոկրատական կուսակցության անդամները՝ որպես «Առյուծ արքան» ֆիլմի կերպարներ։ Գրառման քննադատությունը Լևիթը որակել է որպես «արհեստականորեն ուռճացված»։
Մոտ մեկ րոպե տևողությամբ տեսանյութը հայտնվել է Truth Social սոցիալական ցանցում։ Տեսանյութում պնդվում է, որ 2020 թվականի նախագահական ընտրությունները կեղծվել են Ջո Բայդենի օգտին։ Տեսանյութի վերջին կադրերում Բարաք և Միշել Օբամաները պատկերված են որպես կապիկներ, տեսանյութն ուղեկցվում է «Առյուծը քնում է այսօր երեկոյան» երգը։
Փետրվարի սկզբին Թրամփը նույնպես կոչ էր արել ձերբակալելու Բարաք Օբամային՝ նրան մեղադրելով 2016 թվականի ընտրությունների ժամանակ Ռուսաստանի հետ կապերի մասին իբր կեղծ մեղադրանքներին մասնակցելու մեջ։
