Կենսաթոշակ կամ նպաստ ստանալու իրավունք ունեցող 100 տարին լրացած անձանց կտրամադրվի 1 մլն դրամ միանվագ գումար․ Աշխատանքի և սոցիալական հարցերի նախարարության կողմից ներկայացված նախագիծն արժանացել է Կառավարության հավանությանը։
«Արմենպրես»-ի փոխանցմամբ՝ այս մասին հայտնում է ՀՀ աշխատանքի և սոցիալական հարցերի նախարարությունը։
Գումարը ստանալու համար դիմում ներկայացնելու անհրաժեշտություն չկա․ այն կտրամադրվի կենսաթոշակ կամ նպաստ ստանալու իրավունք ունեցող անձի 100 տարին լրանալու օրվան հաջորդող ամսվա կենսաթոշակի (նպաստի) հետ միաժամանակ։
Որոշումը չի վերաբերում այն անձանց, որոնք Երևանի ավագանու որոշմամբ արդեն իսկ ստացել են (կամ ստանալու են) 1 մլն դրամ։
Published by Armenpress, original at https://armenpress.am/hy/article/1241340?fbclid=IwY2xjawPxSwFleHRuA2FlbQIxMABicmlkETFicUp4ajZlOENLekZSV2pPc3J0YwZhcHBfaWQQMjIyMDM5MTc4ODIwMDg5MgABHo2yj8gxVv7VRvr2wyZA-pG80Q1C9wV114JVuMxT2OF07OkQZQ9NkkJwt2gc_aem_qxctm30VnZ18WgTN2VbMkg
