Թուրքիայի նախագահ Ռեջեփ Թայիփ Էրդողանը հեռախոսազրույց է ունեցել Իրանի նախագահ Մասուդ Փեզեշկիանի հետ, որի ժամանակ ՝ քննարկվել են երկկողմ հարաբերությունները և տարածաշրջանում ռազմական լարվածության սրումը, հաղորդել են թուրքական լրատվամիջոցները։
Թուրքիայի և Իրանի նախագահները մտքեր են փոխանակել Անկարայի և Թեհրանի միջև երկկողմ հարաբերությունների վիճակի, ինչպես նաև վերջին տարածաշրջանային զարգացումների, մասնավորապես՝ ռազմական լարվածության սրման վերաբերյալ։
Զրույցի ընթացքում նախագահ Էրդողանն ընդգծել է Թուրքիայի պատրաստակամությունը՝ Իրանի և Միացյալ Նահանգների միջև միջնորդի դեր խաղալու՝ լարվածության նվազեցման և առկա խնդիրների լուծման նպատակով։
Նա նաև նշել է, որ այսօր ավելի ուշ կհանդիպի Իրանի արտաքին գործերի նախարարի հետ, որն այժմ գտնվում է Թուրքիայում։
