Գերմանական ավտոարդյունաբերությունն ապրում է վերջին 15 տարվա ամենավատ եռամսյակը։ Ըստ EY խորհրդատվական ընկերության վերլուծության՝ Volkswagen-ի, BMW-ի և Mercedes-Benz-ի գործառնական շահույթը հուլիսից սեպտեմբեր ընկած ժամանակահատվածում կտրուկ նվազել է 76%-ով՝ հասնելով մոտ 1,7 միլիարդ եվրոյի, հայտնում է Bild-ը։
Սա ամենացածր ցուցանիշն է 2009 թվականից ի վեր, չնայած եկամուտը և վաճառքը ընդհանուր առմամբ համեմատաբար կայուն են մնացել։ Ոչ մի այլ երկիր, որն ունի խոշոր ավտոարդյունաբերություն, նման թույլ արդյունք չի ցուցաբերել։
Սա ծանր հարված էր հատկապես ստացավ Չինաստանի համար, որը երկար ժամանակ աջակցել է գերմանական ավտոմեքենաների ապրանքանիշերին։ Այնտեղ վաճառքը նվազել է 9%-ով, իսկ Չինաստանի մասնաբաժինը ընդհանուր վաճառքի մեջ 39%-ից նվազել է մինչև 29%։ Պրեմիում մոդելները ավելի վատ են վաճառվում, իսկ էլեկտրական մեքենաների հատվածում գնորդները ավելի ու ավելի շատ են ընտրում տեղական ապրանքանիշերը։
