Ադրբեջանի նախագահ Իլհամ Ալիևը հոկտեմբերի 16-ին ընդունել է Ադրբեջանում Ֆրանսիայի նորանշանակ արտակարգ և լիազոր դեսպան Սոֆի Լագուտիի հավատարմագրերը, տեղեկացնում է ադրբեջանական APA գործակալությունը։
Հիշեցնելով Ֆրանսիայի նախագահ Էմանուել Մակրոնի հետ Կոպենհագենում կայացած հանդիպումը, Ալիևը հայտարարել է, որ այդ հանդիպման արդյունքում «երկու երկրների միջև թյուրիմացություն առաջացնող հարցերը մնացել են անցյալում»։
«Ընդգծելով, որ երկկողմ օրակարգում նոր շրջան է սկսվել, պետության ղեկավարն անդրադարձել է, նախևառաջ, միջանձնային ու գործնական շփումների, մշակութային և հումանիտար ոլորտներում համագործակցության վերականգնման ու զարգացման կարևորությանը», — գրում է ադրբեջանական ԶԼՄ-ն։
