ԱՄՆ նախագահ Դոնալդ Թրամփը կարծում է, որ Եգիպտոսում Իսրայելի և ՀԱՄԱՍ-ի անուղղակի բանակցությունների հաջորդ 48 ժամը վճռորոշ նշանակություն կունենա Գազայի հատվածում հակամարտության կարգավորման հեռանկարների համար: Այս մասին հաղորդում է Fox News-ը, փոխանցում է ՌԻԱ «Նովոստին»։
«Ըստ տեղեկությունների՝ նախագահ Թրամփը նախկին ամերիկացի պատանդին և նրա ընտանիքին ասել է, որ բանակցությունների հաջորդ 48 ժամերը կարևոր են»,-ուղիղ եթերում ասել է հեռուստաալիքի թղթակիցը։
Երկուշաբթի օրվանից Եգիպտոսում անուղղակի բանակցություններ են ընթանում ՀԱՄԱՍ-ի և Իսրայելի պատվիրակությունների միջև՝ Եգիպտոսի, Կատարի և Թուրքիայի միջնորդների մասնակցությամբ, ԱՄՆ նախագահ Դոնալդ Թրամփի կողմից առաջարկված Գազայի հատվածում երկամյա պատերազմը դադարեցնելու խաղաղության ծրագրի շուրջ։
