Մայա Սանդուն շնորհավորել է Ալիեւին Հայաստանի հետ «դեպի խաղաղություն տանող ճանապարհի կարեւոր քայլերի» համար

Մոլդովայի նախագահ Մայա Սանդուն Х սոցցանցում գրառում է արել Կոպենհագենում Եվրոպական քաղաքական համայնքի գագաթաժողովի շրջանակում Ադրբեջանի նախագահ Իլհամ Ալիեւի հետ իր հանդիպման մասին։

«Կոպենհագենի գագաթաժողովի շրջանակում ես շնորհավորեցի Ադրբեջանի նախագահին Հայաստանի հետ խաղաղության հասնելու կարեւոր քայլերի համար, որոնք աջակցություն ստացան Միացյալ Նահանգների նախագահի կողմից։ Մենք նաեւ քննարկեցինք Մոլդովայի եւ Ադրբեջանի միջեւ տնտեսական կապերի ամրապնդումը՝ ի շահ մեր երկու երկրների»,- գրել է Մոլդովայի նախագահը։