ՆԱՏՕ-ի գլխավոր քարտուղար Մարկ Ռյուտեն մամուլի ասուլիսի ժամանակ հայտարարել է «Արևելյան պահապան» (Eastern Sentry) ծրագրի մեկնարկի մասին՝ Լեհաստանի տարածք ուկրաինական անօդաչու թռչող սարքերի ներխուժման լույսի ներքո։
Ռյուտեի խոսքով՝ այս ծրագրի մեկնարկի նպատակը ՆԱՏՕ-ի արևելյան թևում դիրքերի ամրապնդումն է:
«Այս ռազմական գործողությունը կսկսվի առաջիկա օրերին և դրանում ներգրավված կլինեն դաշնակիցների տարբեր ուժեր և միջոցներ, այդ թվում՝ Դանիան, Ֆրանսիան, Մեծ Բրիտանիան, Գերմանիան և այլ երկրներ։ Ավելի ավանդական ռազմական հնարավորություններից բացի, այդ ջանքերը կներառեն նաև տարրեր, որոնք նախատեսված են անօդաչու թռչող սարքերի օգտագործման հետ կապված հատուկ խնդիրներ լուծելու համար», — հայտնել է ՆԱՏՕ-ի գլխավոր քարտուղարը։
Նա հիշեցրել է, որ Հյուսիսարևելյան դաշինքը առաջավոր ցամաքային ուժեր է տեղակայել ութ երկրներում։
«Բոլոր դաշնակիցները աջակցում են այս զորքերին։ Եվ մենք ունենք մեր ներկայությունը անհրաժեշտության դեպքում ընդլայնելու ծրագրեր։ Մենք ունենք ցամաքային, ծովային և օդային հակաօդային պաշտպանության համակարգեր։ Եվ այստեղ Եվրոպայի և Հյուսիսային Ամերիկայի դաշնակիցները ամեն օր միասին են աշխատում՝ համոզվելու համար, որ մենք պատրաստ ենք պաշտպանել դաշնակիցների տարածքի յուրաքանչյուր թիզը։ Այս տարվա սկզբին մենք ներդրեցինք «Բալթյան պահապան» (Baltic Sentry) ռեժիմը՝ Բալթիկ ծովում անխոհեմ գործողություններից կարևորագույն ենթակառուցվածքները պաշտպանելու համար», — ասել է Ռյուտեն։
