Աշխարհի առաջնության բրոնզե մեդալակիր, Եվրոպայի չեմպիոն Արման Անդրեասյանը (70 կգ) հաղթանակով մեկնարկեց Խորվաթիայի մայրաքաղաք Զագրեբում անցկացվող ազատ ոճի ըմբշամարտի աշխարհի առաջնությունում:
Հայաստանի հավաքականի առաջին մասնակիցը 70 կգ քաշայինների որակավորման փուլում գոտեմարտեց Տաջիկստանը ներկայացնող, ռուս Վիկտոր Ռասադիի հետ եւ կամային հաղթանակ տարավ 5:5 հաշվով: Մինչեւ գոտեմարտի ավարտը Անդրեասյանը պարտվում էր ռուս մրցկացին 3:5 հաշվով: Վերջին 2 վայրկյանում Հայաստանի ներկայացուցիչը երկու միավորանոց հնարքով առավելություն ստացավ հաշվի մեջ:
Մրցումային առաջին օրը Հաբեթնակ Կուրղինյանի գլխավորած հավաքականից մրցագորգ դուրս կգա նաեւ 61 կգ քաշային Մանվել Խնձրցյանը:
Եվրոպայի առաջնության բրոնզե մեդալակիրը որակավորման փուլում կհանդիպի Իտալիայի ներկայացուցիչ Սիմոնե Վինչենցո Պերոդուի հետ։
