Այս գիշեր Ուկրաինան անօդաչու թռչող սարքերով հարձակվել է Ռուսաստանի ութ շրջանների վրա, հայտնում է պաշտպանության նախարարությունը։
Սամարայի մարզում հարվածի հետևանքով հրդեհ է բռնկվել Նովոկույբիշևսկի նավթավերամշակման գործարանի տարածքում։ Հաղորդվում է մեկ զոհի մասին։ Սամարայում անջատվել է բջջային ինտերնետը, օդանավակայանի գործունեությունը՝ կասեցվել:
Ռյազանի մարզում, ինչպես նաև բռնակցված Ղրիմում ևս հարվածներ են հասցվել տեղի նավթավերամշակման գործարաններին։
Պենզայում թիրախում է եղել «Էլեկտրոպրիբոր» գործարանը, որը արտադրում է անվտանգ կապի սարքավորումներ բանակի համար: Ավելի վաղ՝ հինգշաբթի օրը, անօդաչու թռչող սարքերը հարվածել են նույն քաղաքում գտնվող «Ռադիոզավոդ» ձեռնարկությանը:
