Արգենտինացի ոստիկանը դատի է տվել Google-ին, երբ նրա Street View ծառայությունը 2017 թվականին նրան ամբողջովին մերկ լուսանկարել է իր բակում՝ 6 ոտնաչափ բարձրությամբ ցանկապատի հետևում, իսկ նրա հետույքը, բառացիորեն, մերկ է եղել տեսախցիկի առջև, գրում է Jalopnik-ը։
Լուսանկարը հատկապես վրդովվեցրել է, երբ այն հասանելի է դարձել հանրությանը՝ տղամարդու հասցեի և տան համարով հանդերձ, ինչը ծաղրի ալիք է բարձրացրել գործընկերների և հարևանների շրջանում։
Փոխհատուցման նախնական մերժումից և «ինքն էլ մեղավոր» կարգի մեղադրանքներից հետո, փաստաբաններին հաջողվել է գործը վերանայել վերաքննիչ բողոքարկմամբ. դատարանը ճանաչել է անձնական կյանքի անձեռնմխելիության և մարդկային արժանապատվության հարգման իրավունքի խախտումը։ Արդյունքում Google-ին պարտադրվել է 12,5 հազար դոլարի համարժեք գումար վճարել նախկին ոստիկանին։
Google-ի տեսախցիկները ավանդաբար մշուշում են դեմքերը և համարանիշները, սակայն այս դեպքում Google-ը սխալ է թույլ տվել. նրանք չեն մշուշել մարմնի հետևի մասը, և այս սխալն ընկերությանը արժեցել է դատական ծախսեր և վնաս հասցրել նրա իմիջին։
