Առնվազն 16 մարդ է զոհվել, երբ իսրայելցի զինծառայողները կրակ են բացել Գազայի հատվածում մարդասիրական օգնության բաշխման կետի մոտ գտնվող պաղեստինցիների ամբոխի վրա, հաղորդել է Կատարի Al Jazeera հեռուստաալիքը:
Նրա տվյալներով՝ միջադեպը տեղի է ունեցել պաղեստինյան անկլավի կենտրոնական մասում գտնվող «Նեցարիմ» անցակետի մոտ: Վիրավորվել է ավելի քան 50 մարդ:
Հեռուստաալիքը նաեւ հաղորդել է Գազայի հատվածի հարավում գտնվող Խան Յունիս քաղաքին հասցված զանգվածային ավիահարվածների մասին, սակայն այդ հարձակումների հետեւանքով զոհերի մասին դեռեւս տեղեկություններ չեն տրամադրվել։
